“Të dëgjojmë njëri tjetrin”, Mbi gjysmë milionë qytetarë iu përgjigjën Këshillimit Kombëtar

Më shumë se 563 mijë qytetarë shqiptarë i janë përgjigjur pyetësorit të Këshillimit Kombëtar duke dhënë mendimin e tyre për 12 çështje me rëndësi strategjike në zhvillimin e vendit.

Përmes një postimi në rrjetet sociale, Kryeministri Edi Rama falenderoi mbi gjysmë milionë shprehje interesi për Këshillimin e parë Kombëtar.

Kreu i Qeverisë siguroi pjesëmarrësit në këtë proces komunikimi se zëri i tyre do të dëgjohet me respektin më të madh.

Në këtë kuvendim popullor, sipas Ramës, nga 563,195 qytetarë që morën pjesë, 340,143 prej tyre e kanë plotësuar pyetësorin me postë, 127,130 online në www.keshillimikombetar.al dhe 95,922 në tendat e vendosura pranë çdo bashkie në vend.